BAKU OPEN 2025
Aprelin 28-də Bakıda “Baku Open 2025” Beynəlxalq Şahmat Festivalına start verildi. Bu mötəbər turnir, Azərbaycan Şahmat Federasiyasının təşkilatçılığı ilə keçirilən və ölkə üzrə 8 beynəlxalq açıq turniri əhatə edən “Azərbaycan Şahmat Turu”nun ilk mərhələsidir.
Festivalda 17 ölkədən 700-dən çox şahmatçı iştirak edir. Yarışlar müxtəlif qruplarda keçirilir və iştirakçılar arasında beynəlxalq qrossmeysterlər də yer alır. AĞ AT Şahmat Klubunun pilot qrupu tələbələri də bu nüfuzlu turnirdə iştirak edirlər. Onlara uğurlar arzulayırıq və inanırıq ki, bu yarışda da parlaq nəticələr əldə edəcəklər.
